As mozas galegas cara a Folga do 8M en Tui

A Asemblea de Mulleres de Galiza Nova da comarca do Baixo Miño organiza unha asemblea aberta de mozas (non mixta) este venres 23 de febreiro ás 19:00h na Sala Xacobeo da Área Panorámica, para socializar a convocatoria de folga de mulleres convocada para o 8 de marzo entre as mozas e preparar os traballos de cara as grandes mobilizacións que terán lugar na Galiza para reivindicar os dereitos das mulleres.

Nesta asemblea analizarase tamén, a situación de triple opresión das mozas galegas. Cando dicimos que as mozas galegas estamos oprimidas de xeito triplo non é unha consigna baleira: sufrimos o patriarcado, o capitalismo e vivimos nun País que actualmente funciona como unha colonia do Estado español.

Para iso contaremos coa presenza e as intervencións de Raquel Pérez Fernández, integrante da Executiva Comarcal da CIG-Industria Vigo, e Ana Belén Bernárdez, responsábel da Asemblea de Mulleres de Galiza Nova no Baixo Miño.

Leave a Reply

Your email address will not be published.