Denunciamos os incendios forestais no mes de outubro

Na noite de onte un incendio forestal provocado arrasou 150 hectáreas de monte no concello de Mondariz facendo que 60 persoas tiveran que ser evacuadas das súas casas por estar o lume demasiado preto dos núcleos de poboación.

Atopámonos pois, nun novo mes de outubro no que se aproveita para facer arder o noso país, pois non foi só nos últimos días o incendio de Mondariz senón que en máis puntos de Galiza foron declarados incendios forestais.

Dende Galiza Nova consideramos que esta é a mostra de que non se levaron a cabo políticas reais de prevención e combate dos incendios forestais, que cada ano afectan ao noso país e que en condicións metereolóxicas adversas coma as do ano pasado poden chegar a causar verdadeiras desgrazas, polo que de darse unha situación similar, habería que voltar a lamentar dende danos materiais até mortes.

É necesario que a Xunta de Galiza tome como prioridade a loita contra os incendios e a empresa que adoita beneficiarse deles, ENCE. Polo tanto esta debe ser unha loita contra a eucaliptización e en favor da posta en valor dos usos do monte, apostando por especies autóctonas e que poden xerar unha riqueza moito maior para o noso pobo.

Leave a Reply

Your email address will not be published.