Galiza Nova presenta ‘Eu violei o lobo feroz’ en Pontevedra

lobo‘Eu violei o lobo feroz’, o primeiro libro de poemas de Teresa Moure preséntase este xoves 21 en Pontevedra nun acto organizado por Galiza Nova no marco da campaña Revírate contra a violencia de xénero que está a desenvolver a Asemblea de Mulleres de Galiza Nova por todo o País con diversas actividades con palestras, concertos, exposicións, presentacións de libros e certames xuvenís de relatos feministas.

Neste acto, que inciará ás 20 horas na Casa das Campás de Pontevedra, pretendemos dar a coñecer a nova obra de Teresa Moure, na que “Uma singular Capuchinho Vermelho reconstrói e constrói a sua historia e identidade através de confissões quando é retida por terrorismo ecológico”

 

“Este livro, que ainda não é,
nasce duma ferida
comprida e profunda,
duma fenda escura e húmida
nos calabouços duma prisão do estado
repressor.

Este livro, que ainda não é,
nasce duma ferida palpitante,
da dor imensa de ver-me desamparada
logo de tantas ideias libertadoras
que pulam, aí onde estais, fora destes muros,
nas ruas, nos antros mal ventilados
que não se conformam com o ar assético da democracia

Mas, sobretudo, este livro
nasce duma ferida
carnosa e suave
que ciclicamente sangra
e que levo aberta
entre as pernas.”