Obradoiro en Rianxo sobre violencias invisibilizadas

obradoiro rianxoEste sábdo 5 de marzo desenvolveremos no Auditorio Municipal de Rianxo un obradoiro para detectar e combater todas as formas de violencias machistas, organizado pola Asemblea de Mulleres de Galiza Nova, e que comezará ás 19h.

No obradoiro contaremos coa participación de:
– Hadriana Ordóñez, Concelleira de benestar social, igualdade e diversidade en Rianxo
– Lucía Veciño, Responsábel Nacional da Asemblea de Mulleres de Galiza Nova

Os micromachismo son estratexias de violencias cotiás que se exercen contra as mulleres para coartarnos e agredirnos.

Ficamos rodeadas permanentemente destas situacións, e ese é só un dos moitos motivos de importancia polos cales temos o deber e a obriga de recoñecelos e actuar fronte estas situacións. E en Galiza Nova estamos plenamente concienciadas da importancia da loita feminista e do deber que temos como mulleres de combater estes ataques.

É por iso polo que animamos á mocidade a achegarse, falar, debater e aportar novos puntos de vista co fin de erguer unha Galiza feminista!