O BNG volveu levar ao Parlamento a resposta estudantil á LOMCE, instando á Xunta a demandar do Goberno central a retirada desta lei privatizadora e antigalega.
O parlamentario do Bloque, Cosme Pombo, tildou a lei española de “nociva” para o ensino público galego por invadir competencias propias en materia educativa e por introducir cambios lexislativos que deterioran gravemente a calidade do ensino público.
O Bloque demandou o apoio da Cámara galega para presentar “un recurso de inconstitucionalidade” contra a LOMCE por negar as competencias educativas galegas cando en Euskadi e Cataluña foron defendidas e conseguiron os dereitos lingüísticos vetados pola propia Lei.
Así mesmo, demandamos “frear as probas de avaliación”, como fixeron en Andalucía, Asturias, Cantabria, Castela a Mancha, Estremadura, Canarias e Comunidade valenciá.
