Galiza Nova foi a organización anfitrioa da XII Asemblea Xeral da mocidade da ALE e acolleu a máis de 30 representantes de 21 organizacións xuvenís de nacións sen estado na Europa.
A Asemblea Xeral da mocidade da Alianza Libre Europea (grupo parlamentar europeo no que o BNG traballa) decorrereu o 13, 14 e 15 de febreiro en Compostela baixo o lema ‘Tempo de autodeterminación’ e nela puidemos pór en común con outros pobos da Europa a actual cuxuntura da Unión Europea como arma dos mercados e da troika contra os pobos e a necesidade de soberanía das nacións sen estado na Europa para conquistarmos un futuro de liberdade asentado na capacidade de decisión e de solidariedade internacionalista.
Galiza Nova partillou tres días de debate e intercambio de experiencias de loita e traballo xuvenil coas delegadas e delegados de 21 organizacións xuvenís de Gales, Córsega, Bretaña, Frisia, Euskal Herria, Catalunya, Balears, País Valencià, Aragón, Andalucía, Alands, Illas Feroe… entroutros pobos de Europa.
