COLOQUIO SOBRE A VAGA DE LUMES EN RIBADAVIA

Este 4 de novembro ás 19:30h desde Galiza Nova organizamos na Casa da Cultura en Ribadavia, un acto sobre a situación actual logo da catastrófica vaga de lumes da semana pasada, a peor dos últimos anos no noso país.

Pretendemos con este acto analizar as consecuencias dos incendios forestais no noso país, mais sobre todo as súas causas, pois consideramos necesario que non se repitan estas situacións na Galiza, para o que é necesario cambiar o modelo forestal actual e rematar coa eucaliptización do noso monte.

Para isto contaremos coa proxección do documental Cinzas, que será presentado pola súa directora Clara Bells, así coma as intervencións nunha chave política e analítica de Alberte Fernández, Secretario Xeral de Galiza Nova e Xacobe García, Responsábel Comarcal de Galiza Nova no Ribeiro.

#LumesNuncaMáis

Leave a Reply

Your email address will not be published.